Beed Farmer Suicide : अतिरिक्त ऊसाचा बीडमध्ये पहिला बळी

बीडच्या हिंगणगाव मधील धक्कादायक घटना. कारखान्यांनी शेतातला ऊस न नेल्याने संतप्त शेतकऱ्याने ऊस पेटवून देत ऊसाच्या फडातील झाडाला गळफास घेऊन केली आत्महत्या..

सुकेशनी नाईकवाडे / ११ मे २०२२ :
बीड ( Beed ) जिल्ह्यात अतिरिक्त ऊसाचा प्रश्न पेटला असून जिल्ह्यात अतिरिक्त ऊसाचा पहिला बळी गेला आहे. तोडणीला आलेला ऊस कारखाना घेऊन जात नसल्याने 30 वर्षीय तरुण शेतकऱ्याने चक्क ऊस पेटवून देत ऊसातील लिंबाच्या झाडाला गळफास घेऊन आत्महत्या (suicide) केल्याची धक्कादायक घटना, बीडच्या गेवराई (georai) तालुक्यातील हिंगणगावमध्ये (hingangao) घडली आहे..नामदेव आसाराम जाधव रा. हिंगणगाव ता. गेवराई जि. बीड असं गळफास घेतलेल्या शेतकऱ्याचं नाव आहे.

नामदेव जाधव यांना एकूण 2 एकर शेती असून त्यांनी शेतामध्ये ‘265’ जातीचा ऊस लागवड केला होता. त्यासाठी त्यांना एक लाख ते सव्वा लाख रुपये खर्च आला होता. मात्र हा ऊस आता तोडणीला येऊन देखील, परिसरातील एकही कारखाना तो ऊस घेऊन जात नव्हता, गेल्या अनेक दिवसांपासून ऊस घेऊन जाण्यासाठी, नामदेव जाधव हे कारखान्याकडे चकरा मारत होतो. मात्र त्यांना कारखान्याकडून निराशाच मिळाली, यामुळे नैराश्यात आलेल्या आसाराम जाधव यांनी टोकाचं पाऊल उचललं आहे. त्यांनी ऊसाच्या फडाला पेटवून देत, फडातिलचं लिंबाच्या झाडाला गळफास घेऊन आपली जीवनयात्रा संपविली आहे.

दरम्यान बीड जिल्ह्यात अतिरिक्त ऊसाचा प्रश्न गेल्या अनेक दिवसांपासून गंभीर बनला असून जवळपास 30 ते 40 हजार मेट्रिक टन ऊस अद्यापही बीड जिल्ह्यात शिल्लक असल्याचे सांगितले जाते. विशेष म्हणजे एकीकडे अतिरिक्त उसाचा प्रश्न गंभीर बनला असताना देखील कारखानदार मात्र मनमानीपणा करत आहेत. परजिल्ह्यातील ऊस आयात करत आहेत. यामुळे तळहाताच्या फोडा सारखा जपलेला ऊस कुठे घालावा ? असा प्रश्‍न शेतकऱ्यांपुढं उभा ठाकलाय. त्यामुळे आता संतप्त आणि हतास झालेल्या शेतकऱ्यांकडून, टोकाचं पाऊल उचलला जात असल्याचे चित्र बीड जिल्ह्यात निर्माण झालय. त्यामुळे आता साखर आयुक्त आणि सरकारने यावर तात्काळ तोडगा काढावा, अन्यथा शेतकऱ्यांच्या आत्महत्या वाढण्याची शक्यता नाकारता येत नाही.

मागील काही दिवसांपासून मराठवाड्यातील अतिरिक्त ऊसाच्या प्रश्नावर काम करत आहे यासंदर्भातच ‘बाईमाणूस’ने बनवलेला हा व्हिडिओ नक्की पहा :

या संदर्भात आणखी वाचा :

नवीन लेख

संबंधित लेख

Leave a reply

Please enter your comment!
Please enter your name here