आजवर जगामध्ये अनेक महाठग होऊन गेले. भारतात अशा महाठगांची जराही कमतरता नाहीये. मिथिलेश उर्फ नटवरलाल नावाच्या एका व्यक्तीने आपण बडे सरकारी अधिकारी असल्याचे भासवून अनेक परदेशी पर्यटकांना प्रसिद्ध भारतीय वास्तू विकण्याचे आमिष दाखवून त्यांच्याकडून लाखो रुपये लुबाडले. त्यामध्ये त्याने तीन वेळा ताजमहालाची, एकदा दिल्लीतील लाल किल्ल्याची आणि एकदा चक्क राष्ट्रपती भवनाची देखील विक्री केली. त्याही पुढे जाऊन संसद सभासदांसह संपूर्ण संसद भवनाची विक्री देखील या पठ्ठ्याने केली. 

असा अनेक महाठगांची उदाहरणे सांगता येऊ शकतील, परंतू सध्या देशभर चर्चा सुरू आहे ती हर्षवर्धन जैन या आणखी एका महाठगाची…या हर्षवर्धनने लोकांना इतका भन्नाट चुना लावला की त्याच्या या कारनाम्यावर बॉलिवूडमध्ये लवकरच चित्रपट आला तर फार आश्चर्य वाटायला नको. 

हर्षवर्धनने अस्तित्वात नसलेल्या देशांच्या नावाने कसा चुना लावला?

तुम्ही कधी West Arctica, Saborga, Poulvia, Lodonia या देशांची नावं ऐकली आहेत का? आता ही नावं तुम्ही ऐकली नसल्यामुळे लगेच गुगलवर जाऊन शोधायचा प्रयत्नही करू नका, कारण जगाच्या नकाशावर आणि इंटरनेटवर हे देश तुम्हाला सापडणारच नाहीत, कारण मुळात असे देश अस्तित्वातच नाहीत. तर हा जो हर्षवर्धन जैन आहे त्याने स्वत:ला अस्तित्वात नसलेल्या या देशांचा राजदूत (ambassador) असल्याचे भासवून अनेकांना लुबाडलं.

इतकचं नव्हे तर त्याने गाझियाबादमध्ये West Arctica, Saborga, Poulvia, Lodonia च्या नावावर दूतावास उघडले होते. जर गुगलवर ही सगळी नावं शोधल्यावर गमतीशीर माहिती मिळते. Saborga सर्च केले, तर तो देश नसून एक गाव आणि मायक्रोनेशन असल्याचे समजते, ज्याला देशाचा दर्जाच मिळालेला नाही. Palvia सर्च केल्यास असा कोणताही देश अस्तित्वाच नसल्याचे कळते. Ladania सर्च केल्यास स्वीडनच्या दक्षिणेकडील एक लहान निसर्ग राखीव भूभाग अशल्याचे समजते तर West Arctica हा एक काल्पनिक देश आहे, त्याला कोणत्याही देशाने मान्यता दिलेली नाही.

हर्षवर्धनने या सगळ्या देशांच्या नावांवर दूतावासासारखा सेटअप गाझियाबादच्या केबी 35 कविनगर येथे एका भाड्याच्या कोठीत उभा केला होता. येथे परदेशी झेंडे, बोगस डिप्लोमॅटिक पासपोर्ट आणि बनावट कागदपत्रांच्या सहाय्याने तो स्वतःला आंतरराष्ट्रीय स्तरावरील राजनैतिक अधिकारी असल्याचे भासवत होता. उत्तर प्रदेश स्पेशल टास्क फोर्सच्या नोएडा युनिटनं गाझियाबादवरुन हर्षवर्धन जैनला अटक केली आहे. त्याच्याकडे सापडलेल्या वस्तूंमुळे सुरक्षा आणि गुप्तचर विभागाच्या अधिकाऱ्यांना जोरदार धक्का बसला. जैनला 22 जुलै रोजी अटक करण्यात आली. या प्रकरणी हवाला आणि परदेशी चलनाच्या गैरव्यवहारासारख्या गोष्टी उघडकीस आल्या आहेत.

 

प्रभाव वाढवण्यासाठी पंतप्रधान नरेंद्र मोदींसोबतचा मॉर्फ्ड फोटो

आपला प्रभाव वाढवण्यासाठी जैनने पंतप्रधान नरेंद्र मोदी, माजी राष्ट्रपती ए. पी. जे. अब्दुल कलाम आणि अन्य परदेशी नेत्यांसोबतचे मॉर्फ्ड फोटो तयार केले होते. परदेशातील बोगस नोकऱ्यांच्या नावाने लोकांकडून पैसे उकळायचे, शेल कंपन्यांच्या माध्यमातून हवाला व्यवसाय करायचा, बोगस पासपोर्ट आणि अवैध व्यापारासोबत खासगी कंपन्यांना परदेशी कनेक्शन देण्याच्या नावाखाली दलाली करायची, असे उद्योग हर्षवर्धन करत होता.

हर्षवर्धन जैन यापूर्वी 2011 मध्ये अवैध सॅटेलाइट फोन ठेवल्याच्या आरोपातही सापडला होता. यासंदर्भात कवीनगर पोलीस स्टेशनमध्ये एफआयआरची नोंद आहे. तो वादग्रस्त आध्यात्मिक गुरु चंद्रास्वामी आणि आंतरराष्ट्रीय शस्त्र विक्रेता अदनान खगोशी यांच्या संपर्कातही होता.

हर्षवर्धनच्या 4 देशांमध्ये कंपन्या:4 लक्झरी कार, 44 लाख रोख

एसटीएफला केंद्रीय एजन्सींकडून हर्षवर्धनबद्दल माहिती मिळाली होती. एसटीएफने जेव्हा त्याच्या बंगल्याची झडती सुरू केली तेव्हा त्यांना ऑफिसमध्ये ठेवलेल्या टेबलाच्या ड्रॉवरमध्ये 44.7 लाख रुपये सापडले. याशिवाय युरो, डॉलर, पौंड, सौदी अरेबिया आणि तुर्की चलनदेखील सापडले. तपास पुढे सरकला तेव्हा असे आढळून आले की हा कोट्यवधी रुपयांचा बेकायदेशीर व्यवहार आणि फसवणुकीचा खटला आहे. त्याच्या ब्रिटन, मॉरिशस, कॅमेरून आणि दुबईमध्ये कंपन्या आहेत.

 

तपास यंत्रणांनुसार, हर्षवर्धनने कबूल केले की त्याने परदेशात नोकरी मिळवून देण्याच्या नावाखाली लोकांना फसवले आहे. ज्या देशांचे तो असल्याचे सांगत होता त्यांचे दूतावास आणि राजदूत प्रत्यक्षात अस्तित्वात नाहीत. यावरून हे स्पष्ट होते की हे प्रकरण केवळ परदेशात नोकरी मिळवून देण्याच्या नावाखाली फसवणूक करण्याबद्दल नाही.

हर्षवर्धनच्या डायरीत 25 वर्षांचा वृत्तांत

तपास यंत्रणेशी संबंधित एका सूत्रानुसार, हर्षवर्धनच्या हवाला व्यवहारांचीही चौकशी सुरू करण्यात आली होती. यादरम्यान एसटीएफला बंगल्यातून एक डायरी सापडली. या डायरीत हर्षवर्धनने गेल्या 25 वर्षांचा संपूर्ण हिशोब लिहिला होता. त्या डायरीतून हर्षवर्धनने 30 हून अधिक देशांना भेटी दिल्याचे उघड झाले. डायरीत एकच नाव अनेक वेळा आले - एहसान अली सय्यद. त्यांची वाढदिवसाची तारीखही 23 एप्रिल 1973 अशी लिहिली होती.

त्यांच्या पत्नीचे नाव निखत फातिमा अली सय्यद असे लिहिले होते. एहसानबद्दल विचारले असता, हर्षवर्धनने फक्त एवढेच सांगितले की आमची भेट गुरुजी चंद्रास्वामी यांनी आयोजित केली होती. 2000 मध्ये चंद्रास्वामींनी मला लंडनला पाठवले. तिथे पाठवण्यापूर्वी त्यांनी एहसान अली सय्यदला फोन करून सांगितले की ते हर्षवर्धनला भारतातून लंडनला पाठवत आहेत. तो आमच्यासाठी खूप खास आहे. लंडनला पोहोचल्यानंतर मी एहसानला भेटलो.

हर्षवर्धनने असेही सांगितले की, मी गाझियाबादमधून बीबीए आणि लंडनमधून एमबीए केले आहे. एहसान अलीच्या मदतीने मी लंडनमध्ये व्यवसाय सुरू केला. एहसान आता कुठे आहे, त्याने पैसे पाठवले का? हर्षवर्धनने याबद्दल काहीही सांगितले नाही. यानंतर, तपास पथकाने एहसानची चौकशी केली. 2022 मध्ये लंडनमध्ये फसवणुकीच्या प्रकरणात त्याला अटक करण्यात आल्याचे आढळून आले. 

त्याने स्वित्झर्लंड आणि बहरीनमध्ये वेस्टर्न गल्फ अ‍ॅडव्हायझरी कंपनी स्थापन करून 304 कोटी रुपयांची फसवणूक केली होती. त्याने काही स्विस कंपन्यांना कमी व्याजदराने 800 कोटी रुपयांपेक्षा जास्त कर्ज देण्याचे आमिष दाखवले होते. या कंपन्यांना रोख रकमेची कमतरता भासत होती. त्यांना कर्जाची गरज होती. कर्जाची व्यवस्था करण्याच्या बदल्यात एहसानने कंपन्यांकडून 304 कोटी रुपये घेतले. त्यानंतर तो गायब झाला. या प्रकरणाचा तपास स्वित्झर्लंडमधील झुरिच येथून सुरू झाला. एहसानला 2022 मध्ये ब्रिटनमधून अटक करण्यात आली. 2024 मध्ये त्याला स्वित्झर्लंडला आणण्यात आले. जुलै 2025 मध्ये एहसानला साडेसहा वर्षांची शिक्षा सुनावण्यात आली.

 

हर्षवर्धन आणि एहसान यांनी लंडनमध्ये कंपन्या उघडल्या

तपासात असे दिसून आले की एहसान अली सय्यदने वेगवेगळ्या देशांमध्ये कर्ज मिळवून देण्याच्या नावाखाली कोट्यवधी रुपयांची फसवणूक केली आहे. हर्षवर्धन जैनने लंडनमध्ये एहसानकडून प्रशिक्षण घेतले. त्याने स्वतःला वेगवेगळ्या देशांच्या दूतावासातील अधिकारी म्हणून ओळख देऊन लोकांची फसवणूक करण्यास सुरुवात केली. तपास यंत्रणांना संशय आहे की हर्षवर्धन जैन एहसान अली सय्यद आणि त्याच्या शेल कंपन्यांच्या मनी लाँड्रिंगवर लक्ष ठेवत असे. हा दृष्टिकोन अधिक ठोस करण्यासाठी, यूपी एसटीएफ टीम इंटरपोलद्वारे एहसान अली सय्यदच्या नावाने ब्लू कॉर्नर नोटीस जारी करण्याची तयारी करत आहे.

दुबईतील त्यांच्या 6, ब्रिटनमधील 3, भारत आणि मॉरिशसमधील प्रत्येकी एका बँक खात्याची माहिती मिळाली आहे. या बँक खात्यांमध्ये हवालाद्वारे फसवणूक आणि दलालीचे पैसे वेगवेगळ्या ठिकाणी पाठवले जात असल्याचा संशय आहे. दरमहा लाखो रुपये हवालाद्वारे गाझियाबादला पाठवले जात होते. हे पैसे खर्च करण्यासाठी हर्षवर्धन जैनने त्यांच्या वडिलोपार्जित घराजवळ एक बंगला भाड्याने घेतला होता.

हर्षवर्धन जैनच्या बंगल्याजवळ मनीष नावाची एक व्यक्ती राहते. मनीष म्हणतो, 'मी इथे राहतो. इथून जाताना मला बंगल्यासमोर महागड्या गाड्या दिसायच्या. हा संपूर्ण परिसर व्हीव्हीआयपी आहे, त्यामुळे तिथे अशा गाड्या उभ्या असलेले पाहून मला कधीच आश्चर्य वाटले नाही. त्या गाड्यांना नेहमीच झेंडे लावलेले असायचे. आम्हाला माहिती नव्हते की या हवेलीचे रूपांतर दूतावासात झाले आहे. येथून 500 मीटर अंतरावर एक पोलिस चौकी आहे. तिथे डीएम आणि पोलिस आयुक्तांचे कार्यालय आहे. कविनगर पोलिस ठाणे एक किमी अंतरावर आहे. येथे पोलिसांची गस्त घालणारी वाहने 24 तास सुरू असतात. यात कधीच शंका नव्हती.'

हर्षवर्धन ज्या देशांचे राजदूत असल्याचा दावा करत होता त्या देशांबद्दल

वेस्ट अर्टिका : 

 

1. सरकारः घटनात्मक राजेशाही
   
   

2. शासकः ड्यूक ट्रॅव्हिस
   
   

3. राजधानीः आइसस्टेशन वॉइट,
   
   

4. चलनः वेस्टारकान्सास डॉलर, जे अस्तित्वातच नाही.
   
   

5. लोकसंख्याः कायमस्वरूपी रहिवासी नाहीत, हजारो नागरिक ऑनलाइन आहेत
   
   

6. हा अंटार्क्टिकाचा तो भाग आहे ज्यावर कोणीही दावा केलेला नाही, या भागाला मेरी बायर्ड लँड म्हणतात.
   
   

7. पश्चिम आर्क्टिका हा एक काल्पनिक देश आहे, त्याला कोणत्याही देशाने मान्यता दिलेली नाही.
   
   

8. 2001 मध्ये अमेरिकेचे माजी नौदल अधिकारी ट्रॅव्हिस जेम्सन यांनी ते तयार केले होते.
   
   

9. या देशाची स्वतःची वेबसाइट, ध्वज, पासपोर्ट आणि राजनैतिक मिशन आहे.
   
   

10. बरेच लोक छंद म्हणून त्याचे नागरिकत्व ऑनलाइन खरेदी करतात.
    
    

सेबोर्गा :

 

1. प्रिन्सः मार्सेलो मॅजेन्टो
   
   

2. स्थानः उत्तर-पश्चिम इटली फ्रेंच सीमेवरील
   
   

3. लिगुरियामधील एक लहान गाव
   
   

4. लोकसंख्याः सुमारे 300
   
   

5. सेबोर्गा स्वतःला एक मायक्रोनेशन म्हणते, पण ते कायदेशीररित्या इटलीचा भाग आहे.
   
   

6. सेबोर्गाचा स्वतःचा ध्वज, टपाल तिकिटे आणि पासपोर्ट आहे, परंतु त्यांना कायदेशीर वैधता नाही.
   
   

7. सेबोर्गाचे लोक असा दावा करतात की ते 10 व्या शतकापासून एक स्वतंत्र रियासत होते.
   
   

8. सेबोर्गाचा स्वतःचा ध्वज, टपाल तिकिटे आणि पासपोर्ट आहे, परंतु कायदेशीर वैधता नाही.
   
   

9. सेबोर्गाचे लोक ते एक स्वतंत्र रियासत मानतात; कोणत्याही देशाने अधिकृतपणे मान्यता दिलेली नाही.
   
   

10. 1963 मध्ये ज्योर्जियो कार्बोन नावाच्या शेतकऱ्याने स्वतःला या ठिकाणाचा राजकुमार घोषित केले. तेव्हापासून सेबोर्गा एक प्रतीकात्मक राष्ट्र म्हणून ओळखले जाते.
    
    

पॉलव्हिया : 

1. पॉलव्हिया हा एक काल्पनिक देश आहे जो वास्तविक जगात अस्तित्वात नाही.
   
   

2. कोणत्याही आंतरराष्ट्रीय संस्थेने किंवा भारत सरकारने याला मान्यता दिलेली नाही.
   
   

लोडोनिया :

 

1. लोडोनिया हे स्वीडनच्या दक्षिणेकडील एक लहान निसर्ग राखीव आहे.
   
   

2. लोकसंख्याः कोणीही नाही, फक्त ऑनलाइन नागरिक
   
   

3. 1980 च्या दशकात, स्वीडिश कलाकार लार्स विल्वस यांनी येथे लाकडी संरचना बांधल्या, ज्या सरकारने बेकायदेशीर घोषित केल्या.
   
   

4. लार्सने याचा निषेध केला आणि 2 जून 1996 रोजी लोडोनियाला स्वतंत्र राष्ट्र घोषित केले.
   
   

5. त्यांनी त्यांच्या कला आणि अभिव्यक्ती स्वातंत्र्याच्या नावाखाली हा प्रतीकात्मक देश निर्माण केला.
   
   

6. जगभरातील लोक ऑनलाइन या देशाचे नागरिकत्व मिळवू शकतात